Иран ќе дозволи премин низ Ормутскиот теснец во Персискиот Залив по завршувањето на војната против САД и Израел само во согласност со протоколите што ќе ја заштитат безбедноста на Иран, изјави денес заменик-министерот за одбрана на земјата, Реза Талаеи Ник.
Ник рече дека Иран ги признава меѓународните загрижености во врска со моменталните ограничувања што ги воведе за премин низ Ормутскиот теснец, но нагласи дека ограничувањата се одговор на нападите на САД и Израел врз земјата, кои започнаа кон крајот на февруари и беа запрени со прекин на огнот на 8 април, објави Прес ТВ.
Тој рече дека Иран ќе дозволи комерцијален премин низ теснецот ако војната заврши трајно.
„Обезбедувањето непречен транзит на комерцијални бродови ќе биде на дневен ред по завршувањето на војната, под услов да се почитуваат протоколите што не ја загрозуваат безбедноста на Иран“, рече Ник.
