Иран објави дека постигнал договор со Оман за план за транзит на бродови низ Ормутскиот теснец, кој се наоѓа помеѓу двете земји. Американскиот претседател веднаш реагираше со закана со жестоко бомбардирање.
Според официјален Техеран, Иран и Оман сега работат на усогласување на деталите за заедничка изјава, пренесува Ројтерс.
Портпаролот на иранското Министерство за надворешни работи, Есмаил Багеи, им рече на новинарите во Техеран дека „е постигнат договор за транзитната рута“.
Тој не даде дополнителни детали, но претходно објавените информации укажуваат дека според договорот, теснецот ќе биде повторно отворен, така што бродовите ќе влегуваат во него преку рута поблиску до Иран и ќе излегуваат преку рута поблиску до Оман.
Бродовите ќе минуваат низ теснецот без да плаќаат такси и патарини за време на преодниот период.
Американскиот претседател Доналд Трамп веднаш изјави дека САД ќе го „бомбардираат силно Оман“ доколку таа земја се обиде да им се спротивстави преку Ормутскиот теснец.
„Ако Оман ни се испречи на патот, ќе го бомбардираме многу силно“, рече Трамп во интервју за Фокс њуз, додека истекува прекинот на огнот меѓу САД и Иран.