Иран и Авганистан се договорија за размена на разузнавачки податоци за тероризам и екстремизам, соопшти МНР на Иран.
Иранскиот претседател Хасан Рохани и неговиот авганистански колега Ашраф Гани постигнаа договор за размена на информации за ситуацијата во авганистански региони на границата со Иран и за извршување заеднички операции против Исламска држава.
– Денес се соочуваме со варварство и сериозна терористичка закана. Секој ден гледаме цивилни жртви. Потребна ни е соработка за да се реши тој проблем, изјави Гани.
Двајцата лидери истакнаа дека потребно е да се соработува и во борбата против трговијата со дрога.