Иран ги објави своите недопирливи црвени линии

Од:

Иранската револуционерна гарда, идеолошката армија на земјата, денеска соопшти дека воените и одбранбените капацитети на Иран претставуваат „недопирливи црвени линии“, неколку дена пред новата рунда индиректни разговори со Вашингтон закажани за сабота во Рим.

„Националната безбедност, воената моќ и одбраната се меѓу црвените линии на Исламската Република Иран, за кои не може да се разговара или преговара под никакви околности“, рече портпаролот на гардата Али Мохамад Наини.

Иран и САД, кои немаат дипломатски односи од 1980 година, одржаа разговори минатата сабота, со посредство на властите во Оман, за иранската нуклеарна програма.

Западните земји, предводени од САД, се сомневаат дека Иран сака да се здобие со нуклеарно оружје. Техеран ги отфрла овие обвинувања и го брани правото на нуклеарна енергија за цивилни цели, особено за енергија.

Иран и САД се согласија да ги продолжат разговорите на 19 април.

Би можело да ве интересира

Елон Маск објави формирање политичка партија, дали е тоа крај на двопартискиот систем на САД

Лавров: Се надеваат дека прекинот на огнот меѓу Иран и Израел ќе биде долгорочен

Барнеа: Израел му нанесе значителна штета на Иран за време на 12-дневната операција

Зеленски: Украина и САД потпишаа договор за заедничко производство на дронови

САД воведуваат нови санкции врз Иран

Шпионска афера во Германија, вмешан е и Иран