Иран денеска предупреди на „израелско воено проширување“ во регионот доколку „израелската армија продолжи да врши воени злосторства против Палестинците“.
Иранскиот министер за надворешни работи Хосеин Амир Абдолахиан телефонски разговарал со високиот претставник за надворешна и безбедносна политика на Европската Унија, Жозеп Борел за израелските напади врз Појасот Газа, соопшти Министерството за надворешни работи на Иран.
„Доколку не бидат запрени воените злосторства извршени од израелскиот режим во Газа и на Западниот Брег, опсегот на војната во регионот веројатно ќе се продлабочи и прошири“, рече Абдолахиан.