Интерпол денеска побара итно да биде уапсен рускиот милијардер Сергеј Пугачов, сопственик на повеќе имоти во странство, меѓу кои и францускиот синџир продавници за скапи прехранбени производи „Едиар“, објави меѓународната полициска организација.
Олигархот, што претходно беше близок до Кремљ, денеска живее во егзил во Лондон. Тој е ставен на црвениот список на Интерпол, со што се замрзнати неговите меѓународни сметки на барање на руското правосудство.
Милијардерот е обвинет за злоупотреби и измами во голем размер. Доколку се покаже за виновен, тој се соочува со затворска казна од десет години во Русија.