Индиското Министерство за надворешни работи соопшти дека Индија протерала еден пакистански дипломат, поради „шпионски активности“.
Како што јави телевизијата Ал Џазира, во соопштението се наведува дека во Министерството бил повикан високиот комесар на Пакистан во Њу Делхи, Абдул Басат за да биде информиран дека Индија решила да го протера пакистанскиот дипломат Мехмуд Актар, кој поради своите шпионски активности накусо бил приведен од индиската полиција.
Се очекува ваквата одлука на Индија да доведе до дополнителн тензии во и онака напнатите односи меѓу Индија и Пакистан.