Предлогот на првиот човек на компанијата „Тесла“ и најбогатиот човек на светот, Илон Маск, во случајот со украинските територии кои Русија ги анектира по референдумот, да се примени искуството на Косово, наиде на бурни реакции меѓу албанските политичари на Косово.
Прва зборуваше потпретседателката на Демократската партија на Косово, Вљора Читак, која му кажа на Маск дека е пијан.
„Сериозно? Ти си пијан“, напиша таа на Твитер.
Seriously?!!!! You are drunk. https://t.co/TqXcsvQ9y9
— Vlora Çitaku ? (@vloracitaku) October 3, 2022
Нејзиниот сопартиец и поранешен министер за надворешни работи, Енвер Хоџај, предложи Маск да чита книги за подобро да ги разбере Косово и Украина.
„Прочитај неколку книги ако сакаш подобро да ги разбереш Косово и Украина. Србија изврши геноцид на Косово, додека Русија сака да земе земја што не и припаѓа. Го имаш рускиот наратив. Остани подалеку од ова ако не си добро информирани“, напиша Хоџај на Твитер.
Read some books if you want to understand #Kosovo and #Ukraine better!
Serbia committed genocide in Kosovo, while Russia wants to take land that does not belong to them. You have a Russian narrative. Stay out of this if you aren’t privy to the details. https://t.co/wZ0YUnM20e
— Enver Hoxhaj (@Enver_Hoxhaj) October 3, 2022
И лидерот на Алијансата за ново Косово, Беџет Пацоли му порача на најбогатиот човек на светот да прочита пред да објави што било.
Read before tweet!
The best you can do to the world is have another spaceship for the leadership of Russia and Serbia because with their genocidal & war legacies have become unhealthy for the earth.
If you can’t do that, then better stay out! https://t.co/rCKimD3t4I
— Behgjet Pacolli (@pacollibehgjet) October 3, 2022
„Најдоброто нешто што можеш да направиш е да изградиш вселенски брод за раководството на Русија и Србија, бидејќи со нивното наследство од геноцид и војни тие станаа нездрави за земјата. Ако не можеш да го направиш тоа, подобро е да не се мешаш “ напиша Пацоли на Твитер.