Една недела на рекордно топло време во западна Канада принуди илјадници луѓе да ги напуштат своите домови поради шумските пожари кои беснеат во делови на Алберта и поплавите од брзото топење на снегот во внатрешноста на Британска Колумбија.
До вчера, повеќе од 13.000 луѓе добија наредба за евакуација во Алберта, каде горат 78 пожари. Меѓу најтешко погодените е областа Литл Ред Ривер Кри нација, каде пожарот проголта 20 домови и полициска станица.
Алберта оваа година имаше 348 шумски пожари и изгоре повеќе од 25.000 хектари, а властите очекуваат потопло, поветровито време и повеќе шумски пожари.