Началникот на Генералштабот на израелската армија (ИДФ), генерал-потполковник Ејал Замир, денес на церемонијата на доделување чинови на пилоти изјави дека воената кампања против Иран „не е завршена“ и предупреди дека се очекуваат нови големи операции.
„Нови планови се на маса. Имаме уште поголеми операции пред нас. Бидете подготвени“, рече Замир во краткото обраќање, објавува „Тајмс оф Израел“.
Тој додаде дека го напуштил својот однапред подготвен говор откако израелскиот претседател Исак Херцог, израелскиот премиер Бенјамин Нетанјаху и израелскиот министер за одбрана Израел Кац веќе се обратиле на публиката.