Кина го притиска Непал да спроведе построги рестрикции врз илјадници бегалци од Тибет, дури и притвор, примена на сила и наметлливо следење, објави денеска во извештај организацијата Хјуман рајтс воч.
Тоа е последица од фактот дека Кинезите не сакаат бегалците од Тибет да протестираат во Непал против кинеската управа во својата држава.
Во Непал сега живеат околу 20.000 тибетански бегалци на кои во изминативе години не им беше дозволено да протестираат пред кинеската Амбасада во Катманду. Непалското МВР негира дека спрема бегалците се постапува несоодветно истакнувајќи дека спроведуваат политика на забранување непријателска дејност против соседни држави.