Јорданските власти депортираат „повредени сириски бегалци“, вклучително ранети мажи и деца без придружба, соопшти денеска „Хјуман рајт воч“ (ХРВ).
Организацијата за заштита на човекови права тврди дека меѓу депортираните се 12 Сиријци, кои се лекувале во центар за рехабилитација и четворица бегалци, од кои три деца, кои биле приведени од јорданскатра гранична полиција во близина на сириската граница.
Јорданските власти демантираат дека се депортирани сириски бегалци и оти тие се одведени во други болници.
– Јордан има тежок товар со бегалците, но не треба да ги праќа во конфликтна зона, каде има закана по нивниот живот, уште помалку повредени деца и мажи, кои дури не можат да одат. Такви депортирања создаваат атмосфера на страв, кај сите бегалци, изјави заменик-директорот за Блискиот Исток во ХРВ, Надим Хури.
Конфликтот во Сирија од март 2011 година принуди 3,2 милиони луѓе да ја напуштат земјата. Во Јордан има 619.000 бегалци.