Сериозен инцидент го потресе градот Бергамо, Италија, кога маж се обидел да киднапира 18-месечно дете во супермаркет.
Инцидентот се случи во супермаркетот Еселунга.
Според полицискиот извештај, обидот за киднапирање се случи додека таткото туркаше количка за пазарење кон излезот, а мајката го држеше детето за рака.
Одеднаш, маж на возраст од триесет години истрча низ стаклена врата, брзо се приближи и го зграпчи девојчето од раката на нејзината мајка, обидувајќи се да избега со неа.
Целата сцена траеше само околу 20 секунди, но моментите биле драматични. Реакцијата на родителите и неколку присутни клиенти овозможила грабнувачот да биде неутрализиран.
Таткото и неколку сведоци скокнаа врз него, успевајќи да го блокираат и да му го грабнат детето од рацете пред да може да ја напушти продавницата. Бутната коска на девојчето е скршена.
Полицијата веднаш пристигна на местото на настанот и го уапси мажот. Според италијанските власти, мажот е странски државјанин со тешка ментална состојба. Мажот е однесен во болница на психијатриски преглед, а се соочува со обвиненија за обид за киднапирање.