Холандскиот министер за правда Иво Опселтен и државниот секретар во Министерството за правда Фред Тевен поднесоа оставки, откако признаа дека го лажеле Парламентот во врска со спогодбата со осудениот наркодилер од 2001 година.
Тие се членови на Либералната партија на премиерот Марк Руте.
– Немам друг избор освен да ја потпишам нивната одлука. Владата загуби двајца експерти, изјави Руте во врска со оставките.
Двајцата политичари изјавија дека на осудениот наркодилер Цес Хелман му се платени многу помалку од 4,7 милиони гулдени (поранешната холандска валута), што денеска би изнесувало 2,4 милион евра, како и дека сите податоци за таа трансакција се загубени.
Подоцна се покажало дека двете тврдења биле неточни.
Државниот секретар Тевен, кој тогаш бил обвинител, го одобрил исплаќањето, откако властите не успеале да докажат дека парите, кои државата му ги конфискувала не се заработени на незаконски начин.