Холандскиот министер за надворешни работи застана во одбрана на активистот кој го искина Куранот во Хаг

Од:

Слободата на изразување е важна вредност и се однесува и за непријатни мислења. Ова денеска го изјави холандскиот министер за надворешни работи Вопке Хукстра, коментирајќи ги постапките на активистот кој го искина Куранот пред зградата на националниот парламент, објави холандската радиодифузна корпорација.

Министерот нагласи дека ја разбира провокативната и навредливата страна на ваквите постапки. Сепак, според него, слободата на изразување е важна вредност. – Таа слобода важи и за несоодветните мислења, рече Хукстра.

На 22 јануари, лидерот на антиисламското движење „Пегида“ Едвин Вагенсвелд организираше митинг пред парламентот, каде што го искина Куранот. Тој ја опиша својата постапка како слобода на изразување што треба да се дозволи во земјата.

Акцијата помина во голема мера незабележана во Холандија, но веста за чинот брзо се прошири на социјалните мрежи во Турција.

Амбасадорот на Холандија во Турција денеска беше повикан во Министерството за надворешни работи во Анкара, каде што му беше изразен протест во врска со кинењето на копијата на Куранот на протестот во Хаг.

Извор: МИА

Би можело да ве интересира

Холандската полиција уапси повеќе од 500 луѓе за време на протестите на активистите за климата

Сопствениците на кафулиња во Холандија сè уште можат да продаваат нелегално набавен хашиш

(ВИДЕО) Холандската полиција извести: Турист го „уапси“ напаѓачот од Амстердам

(ВИДЕО) Напад во Амстердам, најмалку петмина се повредени

Голем пожар избувна во центарот на Арнхем, изгореа десетина куќи

Горан Наумовски

Холандскиот министер за одбрана: Трамп не е добро информиран за војната во Украина

Горан Наумовски