Холандската полиција вечерва соопшти дека уапсила маж осомничен за вмешаност во вчерашниот напад со нож во Хаг во кој беа повредени три лица.
– Еден 35-годишен маж е уапсен во центарот на Хаг, соопшти полицијата на Твитер, додавајќи дека лицето, чиј идентитет не се открива, немал постојан престој.
Вкупно три лица беа повредени во напад со нож што се случи вчера во главната трговска улица во Хаг.
Нападот се случи на прометна улица каде што жителите на градот масовно купувале на попуст поради таканаречениот Црн петок.