Холандските власти запленија речиси 220.000 нелегални електронски цигари и повеќе од 50.000 кутии никотински кесички, додека Службата за финансиско разузнавање и истрага (FIOD) исто така заплени 23 милиони нелегални цигари, објавија денес надлежните институции.
Акцијата беше спроведена во текот на изминатата недела на повеќе локации, вклучувајќи компанија во покраината Јужна Холандија и магацин во Северен Брабант, според NL Times.
Според Холандскиот орган за безбедност на храна и производи за широка потрошувачка (NVWA), запленетите електронски цигари или вaјпови имале овошни и слатки вкусови, кои се забранети во Холандија, како и никотински кесички.
„Електронските цигари и никотинските кесички ќе бидат уништени на трошок на сопственикот“, објавија властите.
Проценките покажуваат дека, доколку овие стоки завршеа на пазарот, холандскиот буџет ќе беше оштетен за околу 9 милиони евра поради акцизи.
Јавното обвинителство на Холандија изјави дека го презема случајот и ќе ја продолжи истрагата против осомничените и мрежите што стојат зад шверцот.