Холандија не ја поддржува одлуката на САД за забрана на влез на државјани од седум претежно муслимански земји, се наведува во заедничкото соопштение на премиерот на Холандија Марк Руте и министерот за надворешни работи Берт Кундерс.
– Холандија е убедена дека бегалците, кои бегаат од војна и насилство заслужуваат азил, независно од потеклото и верската припадност, се вели во соопштението.
– Ние сме информирани за можноста за проникнување на потенцијални терористи под маската на бегалци, но тука улога треба да имаат службите за безбедност. Жалиме поради оваа забрана и се огласуваме против неа, нагласија Руте и Кундерс.