Холандската Влада планира да предложи закон со кој на повозрасните лица, кои не се болни, да имаат законско право на самоубиство со асистенција, ако оценат дека го проживеале животот.
„Луѓето кои по длабоко промислување веруваат дека го проживеале својот живот, треба да се овозможи по строги услови да го завршат животот на достоинствен начин што ќе го изберат, се наведува во заедничкото писмо на холандскиот министер за здраство и за правда упатено синоќа до Парламентот.
Но, министрите не ја прецизираат староста на луѓето на кои би се однесувал законот.
Холандија и Белгија се првите земји во кои еутаназијата е легализирана од 2002 година, но само во случај на тешко болни пациенти.