Јапонскиот регион Хокаидо се соочува со нов бран на епидемијата Ковид-19.
Постапувајќи независно од централните власти, регионот беше првиот во земјата што воведе вонредна состојба, со агресивно следење и изолирање на секој што беше во контакт со вирусот.
Ова даде резултати и укината е вонредната состојба, но потребата за нејзино воведување сега повторно се појави, бидејќи се зголемува бројот на нови случаи на заразени со коронавирус, иако овојпат не може да се каже дека заразата е од луѓе кои дошле од странство, јави Би-Би-Си.
Како што е наведено, причината е во тоа што по почетната добра локализација на заразата преку поголема група луѓе не следеше масовно тестирање со што би се стекнал увид во ширењето на инфекцијата, особено од другите делови на земјата.