Избирањето на Доналд Трамп за претседател на САД и подемот на популистичките лидери во Европа претставува голема закана за човековите права, се наведува во годишниот извештај на „Хјуман рајтс воч“ .
Извештајот на организацијата за заштита на човековите права, со седиште во САД, составен од 687 страници, ја разгледува состојбата на човековите права во повеќе од 90 земји.
– Трамп и одредени политичари во Европа се обидуваат да добијат власт преку повици за расизам, ксенофобија и омраза кон жените, оценува извршниот директор на организацијата Кен Рот.
– Сите тие тврдат дека општеството прифаќа кршење на човековите права како демек неопходна мерка за заштита на работните места, опструкција на културните промени и спречување на терористички напади, наведе Рот.
Извршниот директор на организацијата даде критики за рускиот претседател Владимир Путин и кинескиот лидер Кси Џинпинг поради репресиите за оние кои не се согласуваат со нивните политики.