Меѓународната агенција за заштита на човковите права „Хјуман Рајтс Воч“ го обвини Израел дека ги тера Еритрејците и Суданците, кои престојуваат на изрелска територија,да се вратат во своите земји.
Станува збор за околу седум илјади луѓе,за кои ХРВ тврди дека немаат пристап до вообичаената процедура за барање азил и се чуваат во изолација,во посебен камп,во пустината Негев. На почетокот од оваа година,овие африкански „азиланти“ организираа протести,барајќи од израелските власти подобрување на нивниот статус.
Израелската влада ги отфрла обвинувањата од ХРВ и тврди дека станува збор за „илегални имигранти“ спрема кои владата во Ерусалим ги применува истите меѓународни прописи и стандарди,што ги применуваат и другите земји во светот.
Според израелските власти,луѓето од Еритреја и од Судан,не сакаат азил во Израел,туку како економски имигранти,гледаат на оваа земја како атрактивно место,само затоа што е блиску до развиените држави каде Африканците сакаат да најдат работа.
Еритрејците и Суданците почнаа да доаѓаат во Израел,во 2006 година,навлегувајќи преку Синајскиот Полуостров.До крајот на 2012 година,во Израел дојдоа 37 илјади луѓе од Еритреја и повеќе од 14 илјади од Судан.