Либанската шиитска организација Хезболах го поздрави сирискиот одговор на израелските воздушни напади против ирански и сириски бази во Сирија, нагласувајќи дека таа реакција претставува „нова стратешка фаза“, со која се става крај на нарушувањето на сириската територија.
Израел соопшти дека еден од израелските авиони-ловци Ф-16 се урнал, откако бил цел на интензивен напад од сириската противвоздушна одбрана. Израел одговори со силен напад врз 12 бази во Сирија. Според израелската армија, инцидентот е предизвикан од ирански дрон, кој навлегол во изралеското воздушно пространство, што е демантирано од заедничкиот оперативен штаб на Сирија и нејзините сојузници – Иран и Хезболах.