Претставникот на проиранската група Хезболах во Либан, Хасан Фадлала, денеска во првата реакција на таа група за соборувањето на сирискиот претседател Башар ал Асад изјави дека на овие настани гледа „голема, опасна и нова трансформација“.
„Она што се случува во Сирија е голема, опасна и нова трансформација и како и зошто она што се случи бара евалуација, а евалуацијата не се прави на подиуми“, рече Фадлала во изјавата, пренесе Ројтерс.
Сириските вооружени опозициски групи, предводени од сунитската исламистичка група Хајат Тахрир ал-Шам, влегоа во Дамаск во неделата, а заземањето на сириската престолнина го принуди Асад да ја напушти земјата.