Либанската милитантна група Хезболах денеска соопшти дека истрелала десетици ракети врз пограничниот град Шомера во северен Израел, откако израелската авијација го нападнала либанскиот пограничен град Аита ал Шааб.
Извор од Хезболах изјавил дека Израел денеска извршил повеќе од 10 воздушни напади врз либанскиот град Аита ал Шааб, кој се наоѓа на околу три километри од Шомер од другата страна на границата, пренесе Ројтерс.
Израелските сили во вторникот го нападнаа либанското село Ханин, при што загинаа најмалку две лица, меѓу кои и едно 11-годишно девојче.