Британскиот министер за одбрана Џон Хили денеска за време на посетата на Киев изјави дека не треба да има страв од реториката на рускиот претседател Владимир Путин.
„Целта на мојата денешна посета на Киев е да разговарам со (украинскиот) министер за одбрана Рустем Умеров за заедничкиот план што го имаме за зајакнување на Украина, не само сега, во битката што се уште ја водите, туку и во текот на 2025 година и во иднина“, рече Хили во интервју за Укринформ.
Според него, тоа е и начин да му се каже на Путин дека Британија ќе ја поддржи Украина и ќе работи на координирање на активностите на другите земји за поддршка на Украина се додека е потребно.