Американскиот министер за одбрана Пит Хегсет изјави дека САД се подготвени повторно да започнат напади врз Иран доколку не се постигне договор, додека Вашингтон и Техеран продолжуваат со разговорите за надминување на клучните разлики што го блокираат договорот.
Хегсет на Форумот Шангри-Ла за одбранбени лидери, војска и дипломати изјави дека САД се „повеќе од способни“ за таква опција и дека нивните залихи на оружје се „повеќе од доволни“, нагласувајќи дека земјата е во „многу добра позиција“, објави Ројтерс.
Тој додаде дека САД не му го свртеле грбот на Азиско-пацифичкиот регион и покрај тековниот конфликт со Иран.
– Можеме да направиме две работи одеднаш. Ја зајакнуваме нашата одбранбена индустриска база за да можеме наскоро да произведеме два, три или четири пати повеќе муниција, рече Хегсет.
Хегсет додаде дека американскиот претседател Доналд Трамп сака да постигне „голем договор“ што ќе обезбеди Иран да не се здобие со нуклеарно оружје.