Американскиот министер за одбрана Пит Хегсет денес за време на сведочењето пред поткомитетот за одбрана на Комитетот за апропријации на американскиот Сенат изјави дека прекинот на огнот со Иран останува на сила и покрај повремените размени на оган, додавајќи дека САД ефикасно го контролираат Ормутскиот теснец бидејќи „ништо нема да помине низ него ако ние не го дозволиме тоа“.
За време на сослушувањето во Сенатот, Хегсет го бранеше барањето на Пентагон за рекорден воен буџет од 1,5 трилиони долари за 2027 година, наведувајќи дека тоа е „фискално одговорен буџет за воени операции“, објавува АП.
Министерот за одбрана на САД, исто така, рече дека администрацијата на американскиот претседател Доналд Трамп има планови и за ескалација и за деескалација на конфликтот.