Еден маж е тешко повреден во пукотница во Амстердам, а само половина час претходно, уште една пукотница се случила во паркот Вестерпарк во холандската престолнина, објавија денес холандските медиуми.
27-годишен маж е повреден во пукотница во населбата Гелдерсхофд синоќа, а полицијата го бара напаѓачот кој веднаш по инцидентот избегал со мал автомобил, објави холандскиот јавен сервис Нос.
Вториот инцидент се случил во парк кој во тој момент бил полн со луѓе, а како што изјави портпаролот на полицијата, чудо е што никој не е повреден.
Според полицијата, сведоците слушнале повеќе истрели, а потоа виделе маж со пиштол како трча кон Шпарндамерстрат.
Полициските службеници на местото на настанот пронашле вкупно пет чаури.
Во моментов не се дадени дополнителни детали за двата инцидента.