Ирански напад врз Израел од сопствена територија би предизвикал израелски одговор во иста мерка, изјави денеска министерот за надворешни работи Израел Кац.
„Ако Иран нападне од негова територија, Израел ќе одговори и ќе го нападне Иран“, напиша Кац на мрежата „Х“ на хебрејски и персиски јазик и го означи врховниот лидер на Иран, ајатолахот Али Хамнеи, според Ројтерс.
Israeli FM Katz to Iran’s Khamenei:
If Iran attacks from its territory, Israel will react and attack in Iran. pic.twitter.com/Y2r9BhWYOU
— Clash Report (@clashreport) April 10, 2024
Хамнеи денеска изјави дека Израел „мора да биде казнет“ и „ќе биде казнет“ за нападот врз иранскиот конзулат во Сирија, за кој Техеран го обвинува Тел Авив.
„Злобниот режим направи грешка, мора да биде казнет и ќе биде казнет“, рече Хамнеи во говорот по повод празникот Бајрам, пренесе Ројтерс.
Во нападот на иранскиот конзулат во Дамаск на 1 април загинаа командантот на Револуционерната гарда во Сирија и Либан, Мохамад Реза Захеди и неговиот заменик, како и пет офицери кои ги придружуваа. Израел тврди дека не стои зад нападот, додека неколку официјални претставници на Техеран, исто така, претходно се заканија со одмазда за нападот.