Иранскиот врховен лидер ајатолахот Али Хамнеи денеска во Техеран се сретна со вршителот на должноста лидер на Хамас, Калил ал Хаја и уште двајца лидери на палестинската група, јави ИРНА.
На состанокот присуствуваа и претставниците на Хамас, Мохамед Дарвиш и Низар Авадалах.
„Го победивте ционистичкиот режим, што всушност беше пораз за Америка. Не им дозволивте да постигнат ниту една од нивните цели“, им порача Хамнеи на претставниците на Хамас.