Исламистички Хамас упати закани денеска дека ќе испука ракети врз меѓународниот аеродром Бен-Гурион во близина на Тел Авив, предупредувајќи ги меѓународните авио-компании да го избегнуваат за користење.
Командантот на Хамас соопшти дека организацијата „одлучила да одговори на израелската агресија“ одредувајќи го и меѓународниот аеродром денеска како „цел на напади“ .
Од Хамас синоќа соопштија дека истрелале 40 ракети кон Израел, а една од нив во близина на меѓународниот аеродром Бен Гурион, во близина на Тел Авив. Тоа беше најбројниот ракетен напад врз Израел по обновувањето на нападите по завршувањето на привремениот прекин на огнот.
Военото крило на Хамас, бригадата Изадин ал Касам, презеде одговорност за нападите. Претходно во израелски возушен напад по прекинот на примирјето загинаа три лица, а над 40 беа повредени. Израелската армија ги повика Израелците кои живеат на растојание од 80 километри од границата со Појасот Газа да се засолнат поради можни ракетни напади.