Хамас денеска предупреди дека може да го прекине учеството во преговорите за ослободување на заложниците, откако здравствените власти во Газа соопштија дека повеќе од 100 Палестинци биле убиени додека чекале на ред за хуманитарна помош во Газа.
„Преговорите предводени од раководството на движењето не се отворен процес по цена на крвта на нашиот народ“, се вели во соопштението на Хамас, пренесува Ројтерс.
Официјалниот претставник на Хамас, Изат ал Ришк, изјави дека сегашните преговори со Израел нема да бидат „покритие за продолжување на злосторствата на непријателот“, според Ал Џезира.