Израелски војник утрово бил заробен од страна на вооруженото крило на палестинското движење Хамас, пред почетокот на 72-часовниот прекин на огнот, кој веќе е неуспешен.
Киднапирањето го потврди членот на раководството на Хамас Муса Абу Марзук.
Претходно, вооруженото крило на Хамас – Бригадите на Изедин ал Касим, соопшти дека во рацете им се наоѓа израелски војник. Тие успеале да го заробат откакобомбаш-самоубиец нападнал група израелски војници во близина на градот Рафа, во Појасот Газа.
И израелската војска претходно соопшти дека нејзин војник е киднапиран во Газа.