Палестинската милитантна група Хамас одбива да води преговори со Израел за размена на заробеници додека трае војната, но е отворена за секоја иницијатива за завршување на војната, изјави денеска високиот функционер на Хамас, Басем Наем.
– Го потврдуваме нашиот став дека категорично одбиваме да водиме каква било форма на преговори за размена на заробеници како дел од продолжувањето на израелската геноцидна војна – рече Наем.
Тој рече дека Хамас е отворен за секоја иницијатива што придонесува за „запирање на агресијата“ против Палестинците и отворање премини за доставување помош на палестинскиот народ, пренесува Ројтерс.
Во нападот на Хамас врз јужен Израел на 7 октомври, загинаа околу 1.200 луѓе, а беа земени околу 240 заложници.
Израел потоа започна голема воена операција во Појасот Газа, која се уште е во тек.
Се верува дека околу 120 заложници сè уште држат Хамас и други групи кои ја поддржуваат организацијата во Појасот Газа, ставајќи ги израелските власти под зголемен притисок да постигнат договор за нивно ослободување.