Палестинското исламистичко движење Хамас денеска соопшти дека „нема да се откаже“ од барањата за прекин на огнот со Израел и додаде дека ја испраќа својата делегација во Каиро на разговори, по речиси шест месеци војна во Појасот Газа.
„Барањата на нашето население и нашите национални сили се целосен прекин на огнот, повлекување на окупаторските сили (Израел) од Газа, враќање на раселените, слобода на движење, помош и засолниште за населението. И сериозен договор за размена на заложници“, се вели во соопштението на Хамас, пренесува Бета.
Делегација на Хамас во недела ќе престојува во Каиро, на покана на египетски посредници.