Извештаите за егзекуции од страна на палестинската милитантна група Хамас и размена на оган со ривалските сили денес предизвикаа немири во Појасот Газа и на други места, само еден ден откако беше потпишан тешко постигнатиот договор за прекин на огнот со Израел.
Видео објавено на X покажува масовно погубување на околу осум лица на плоштад во град јужно од градот Газа, опкружено со голема толпа минувачи. Сведоците за германската новинска агенција ДПА преку телефон изјавија дека Хамас ги обвини погубените за соработка со израелската армија.
Видеото нема да биде споделено поради неговата исклучително вознемирувачка содржина.
Би-Би-Си вели дека има автентицирано видео кое прикажува јавна егзекуција извршена од вооружени членови на Хамас во Газа синоќа.
Видеата прикажуваат неколку мажи со оружје како редат осум лица со врзани раце зад грб на јавен плоштад пред толпа. Иако Би-Би-Си не можеше да го потврди идентитетот на маскираните напаѓачи, некои од нив носат зелени ленти за глава, кои се поврзани со Хамас.