Еден од лидерите на палестинското милитантно движење Хамас, Басем Наим, денес објави дека Израел е одговорен за животите на активистите и патниците на бродот „Мадлин“, кој плови кон Појасот Газа со симболична хуманитарна помош.
„Заканите на израелскиот окупациски режим за активни движења за прекин на опсадата на Газа никогаш нема да ја скршат волјата на слободните луѓе ширум светот да ја постигнат својата цел, а тоа е прекин на опсадата на овој појас“, рече Наим.
Активистите на бродот „Мадлин“, кој го управува меѓународната непрофитна организација „Коалиција за слободна флотила“ (FFC), денес објавија дека бродот доживеал прекин во своите навигациски системи, пренесува иранската новинска агенција Ирна.