Лидерот на Хамас, Калед Машал, по склучениот договор со Израел, најави отворање на сите гранични премини во појасот Газа, вклучувајќи ги и оние кон Египет.
Машал им се обрати на новинарите откако во Каиро беше објавено дека е постигнат договор за прекин на огнот и двете страни се согласиле дека ќе престанат да се напаѓаат и дека ќе се ублажи блокадата на Израел. Договорот повикува на „отворање на премините и овозможува движењето на луѓе и стока и воздржување од ограничување на слободното движење на граѓаните”.
Блокадата кон Газа е воведена кога Хамас на сила ја преземаа власта во средината на 2007. година.
И покрај прекинот на огнот, две ракети синоќа паднале на југот на Израел. Истровремено, израелската војска извршила упад во куќата на лидерот на Исламскиот џихад во Кан Јунис на југот, но војската демантира дека тоа се случило, откако се договориле за прекин на огнот.
Генералниот секретар на ОН, Бан Ки Мун, апелираше и двете страни да го одржуваат договорот и „максимално да се воздржуваат“.