Палестинската милитантна група Хамас денес изјави дека ескалацијата на нападите од страна на израелските сили и доселениците на окупираниот Западен Брег нема да ја скрши волјата на палестинскиот народ и нивната истрајност во својата земја.
Во соопштение објавено на Телеграм се вели дека ова само ќе поттикне уште поголем гнев и ќе го прошири на Западниот Брег како одговор на злосторствата на окупаторот и зголемената агресија, објави Ал Џезира.
Иако прекинот на огнот во Газа, договорен од Хамас и Израел, во голема мера се почитува, израелската војска и доселениците продолжуваат да вршат напади и апсења на окупираниот Западен Брег.