Хакери го нападнаа главниот профил на „Твитер“ на Асошиејтед прес, објавувајќи лажно соопштение за напад врз Белата куќа.
Соопштението, за две експлозии во Белата куќа во кои е повреден претседателот Барак Обама, е објавено по неколку обиди за крадење на лозинката од новинари на агенцијата.
Асошиејтед прес објави дека профилот на агенцијата на Твитер е затворен по хакерскиот напад и дека се работи за негова поправка.
Соопштението објавено од хакерите предизвика драстичен пад на Дау Џонс Индексот. Одговорност за хакирањето презедоа хакери од Сириската електронска армија.
Одговорноста за нападот Сириската електронска амраија ја презеде преку порака објавена на истата социјална мрежа.