Повеќе сајтови на владини институци и компании во Израел во текот на вчерашниот ден и денеска биле цел на хакерски напади, кои не предизвикале посериозни штети.
Како што соопшти претставникот на израелската Национална кибернетска служба, Ицхак бен Израел, нападите биле извршени во име на хакерската група „Аномимуси“, но хакерите не успеале да ги ги блокираат клучните интернет страници.
– Бевме подготвени за вакви напади, па затоа тие не предизвикаа сериозни штети. Анонимусите немаат потенцијал да и наштетат на клучната инфраструктура на државата. Ако тие имаа таква намера, немаше да ги најават нападите. Тие само сакаат да го привлечат вниманието на медиумите на прашања кои се во нивни интерес, дополни Израел.
Утрово беше блокиран сајтот на израелската статистичка служба, но засега нема информации дали тоа е последица на хакерскиот напад. Меѓу останатите, цели на хакарски напади биле и сајтовите на министерствата за одбрама и за образование на Израел, како и на неколку банки и компании.