Официјалниот портал на Американската централана команда на „Твитер“ е нападнат од хакери кои ја подржуваат милитантната организација позната како Исламска држава.
„Американски војници, пристигнуваме, чувајте ги своите плеќи. ИСИС“- е само една од пораките кои што се објавени на порталот.
Објавите кои по оваа порака се поставени содржат референци на групата која што е позната како „Сајбер Калифат“, а може да се видат и линкови од документи кои наводно се доверливи, а кои се симнати од американски воени компјутери.
„САД и нејзините сателити ги убиваат нашите браќа во Сирија, Ирак и Авганистан. Влеговме во нивните налози и знаеме се за вас. Неверници, нема да имаме милост. ИСИС е веќе тука во вашите компјутери, во секоја воена база. Со дозвола на Алах сега сме во Американската централна команда и нема да застанеме. Знаеме се за вас, вашите жени и деца. Американски војници го следиме секој ваш чекор“ – пишува во пораката упатена до Американската централна команда.
Е. Г.