Регионалниот гувернер на Севернодоњецк, Серхиј Хајдај, денеска јавува за интензивни борби во областа, особено на фронтовите Севернодоњецк и Лисичанск, за кои украинскиот претседател Володимир Зеленски рече дека се „мртви градови“.
Борбите за Северодоњецк се „во полн ек“, се наведува во пораката што Хајдај ја објави преку Телеграм, додавајќи дека неколку луѓе се ранети во Лисичанск во напад на руските сили врз пазарот и училиштето во градот.
Во утринскиот извештај на украинските оружени сили се потврдуваат борби во подрачјето во источниот дел на Украина.
Притоа се тврди дека „главните напори“ на руските сили се насочени кон Севернодоњецк, за каде се соопштува дека украинските трупи нанесуваат загуби на агресорот, како и врз Бахмут каде исто така е покрената контраофанзива на Украинците.
Во извештајот се додава дека изминатиот ден биле одбиени десет напади на руските сили во источниот регион на Донбас.