Серхи Хајдаи, гувернерот на Луганск, на социјалните мрежи објави нова информација за ситуацијата во Северодоњецк и Лисичанск, источните градови кои руските сили очајно се обидуваат да ги освојат. Тој наведува дека руските сили напредуваат кон центарот на градот, а ситуацијата ја опиша како „исклучително тешка“.
„Руските сили ги зајакнуваат своите позиции во предградијата на Северодонецк. Не ги отстрануваат телата на нивните убиени војници, смрдеата на трупови се шири низ улиците. Двајца граѓани загинаа, а петмина се повредени. Тие се обидуваат да го опкружат Северодонецк и да продолжат да напредуваат кон „патот на животот“ и да го отсечат“, напиша Хајдаи, мислејќи на единствениот пат што го поврзува Северодоњецк со остатокот од територијата контролирана од Киев.
„Во последните 24 часа беа одбиени 14 непријателски напади. Уништивме два артилериски системи и 10 непријателски возила. Нашата воздушна одбрана собори два проектила“, напиша тој.
„И вчера Русите жестоко ги нападнаа Лисичанск и Северодоњецк. Двајца загинаа, а петмина беа ранети во стариот град. Повредените се во болница. Руските сили овде уништуваат околу 50 куќи дневно“, напиша Хајдаи.