Генералниот секретар на Обединети нации, Антонио Гутереш денеска пристигна во Лвов, изјави портпаролот на генералниот секретар Стефан Дижарик.
– Пристигнавме во Лвов, изјави Дижарик на брифингот, додавајќи дека генералниот секретар на ОН сè уште не планира да ја посети Москва.
Како што претходно беше најавено, за време на посетата на Украина, генералниот секретар на ОН во Лвов ќе има трилатерална средба со украинскиот претседател Володимир Зеленски и турскиот претседател Реџеп Тајип Ердоган.
Гутереш, предвидено е в петок да го посети украинското црноморско пристаниште Одеса.
Извор: МИА