Генералниот секретар на Обединетите нации, Антонио Гутереш изјави дека доколку Израел почне да спроведува нови закони за прекин на врските со Агенцијата на ОН за палестински бегалци (УНРВА), ќе мора да ги задоволи потребите на бегалците според меѓународното право.
Во писмото испратено до израелскиот премиер Бенјамин Нетанјаху, до кое дојде агенцијата АП, Гутереш наведува дека нема алтернатива за агенцијата УНРВА.
Тој во писмото посочи дека УНРВА била спас за време на војната меѓу Израел и Хамас во Газа и дека новиот закон на Израел „ќе има катастрофални последици за палестинските бегалци“ во Газа, Западниот Брег и Источен Ерусалим.