Генералното собрание на Обединетите нации усвои резолуција, со која го повика Израел итно да се приклучи кон Договорот за неширење на нуклеарно оружје и да ги отвори сите своите нуклеарни објекти за проверка од страна на Меѓународната агенција за атомска енергија.
Резолуцијата беше усвоена со големо мнозинство од 174 гласови „за“ и само шест „против“, додека шест делегати се изјаснија како воздржани.
Во резолуцијата се нагласува дека Израел е единствената држава од Блискиот Исток, која не е потписничка на овој Договор.
Израел официјално не потврдува, но и не демантира дека поседува нуклеарно оружје. Според експерти земјата располага со околу 200 нуклеарни боеви глави.