Централната изборна комисија (ЦИК) во Грузија денеска ги објави конечните резултати од парламентарните избори, според кои владејачката партија Грузиски сон победи со 53,93 отсто од гласовите и доби 89 од 150 мандати во Собранието.
Покрај Грузискиот сон, прагот од пет проценти го поминаа четири опозициски партии.
Коалицијата за промени доби 11,03 отсто од гласовите и 19 мандати, „Единство – Национално движење“ 10,17 отсто од гласовите и 16 мандати, Силна Грузија – 8,81 отсто од гласовите и 14 мандати и Гакарија за Грузија 7,78 гласа и 12 мандати, пренесува грузискиот сајт civil.ge.
Во моментот на седницата на ЦИК пред зградата каде што е сместено телото протестираше опозицијата и нејзините поддржувачи кои не ги признаваат изборните резултати.
Грузискиот претседател Саломе Зурабишвили ги отфрли изборните резултати и побара итна истрага за изборниот фалсификат.
Опозицијата во Грузија го негира легитимитетот на изборите, најавувајќи континуирани протести до распишување нови избори.