Групата Трибус во Словачка се организира преку интернет за да олесни шверцување во градскиот превоз во Братислава. Секој член плаќа по три евра месечно, а оној кој ќе го фатат контролорите, добива пари од фондот за казни на групата.
Според локлани медиуми, се повеќе е бројот на групи кои го имитираат Трибус. Младите во Словачка хронично немаат пари, а се обидуваат да заштедат секогаш кога е можно, јави Дојче веле.
– Ние го знаеме секој контролор. И покрај тоа, мора добро да внимаваме. Нема веќе читање додека се возите, но човек се навикнува на тоа, вели еден од членовите на групата Трибус.
– Се здруживме и тоа ни дава сила. Ако некого го фатат, казната се плаќа од заедничката каса. Тоа се исплати, вели тој.
На интернет-презентацијата на Трибус не се само фотографии од контролорите туку и упатство за формирање на група за оние кои сакаат да се шверцуваат.з